هل الحزن هو مرتبط بانانيه الانسان ؟

مادري اليوم فكرت بهالشي ، معقوله الانسان بطبعه اذا ماصار الي في باله يزعل و يضيق خلقه ؟ 

و هل هي انانيه أو البحث عن الكمال بكل ما يتعلق بأمور الحياه من حب او صداقه او حتى بالامور الحياتيه ؟

بالنسبه لي .. تعلمت درس بالحياه وحاب اني اقوله لكم 

عن نفسي ، كل ما امر بموقف خايس حيل ، يعني اقرب مثال الدكتور الي لما قلت له اني خريج وقال لي ما همني ان شاء الله تقعد مليون كورس بس ماراح اساعدك ، وانا بقمة عصبيتي قلت

“الحمدلله على كل حال من الاحوال”

حتى لما اسمع خبر حلو اقول نفس الجمله

وسبحان الله وراها بساعه ، وصلني خبر حلو يتعلق بنفس الشي الي كان مضيق خلقي 

انا هذي فلسفتي مع الاشياء الي تضيق خلقي او تخلي مزاجي حزين ، والي كان الفضل الكبير اني اتعامل معاها بهالطريقه هي امي عسى الله يطول بعمرها  

زين انتو ؟