اول شي اتأسف لكم من كل قلبي لأن مانزلت اي Post يديد من شهور! طبعا كله بسبب الملل\الدراسه\لوعة الجبد..

عندي جم موضوع بكلمكم فيه ..

بقالتنا!

لول عند بيتنا بالاردن في بقاله اسمها (سابرينا) .. هالانسان نصاب! كل شي يبيعه بسعر غير وبكل ثقه يقول لك السعر!

مادري هالناس اشفيها .. استخفت ولا شنو ؟ اشلون جذي كل شي يزيد بدون مراقبه .. لول والله بدون مبالغه اليوم سعر وباجر سعر .. يرتفع وينزل (بورصه مو بقاله ) ..

عالعموم الله يعينه على نفسه ..

Tired

(ثاني مره احط هالصوره . .بس صج معبره!)

الحين فترة امتحانات .. شنو يعني؟ يعني ملاقه! وتعب ! وضيقة خلق!

باجر عندي امتحان “نصوص قانونيه باللغه الانجليزيه” ومالي خلق له! مع انه وايد صعب وكلامه جنه طلاسم .. بعيد كل البعد عن اللغه الانجليزيه لول ..

همم صج لم يبقى الا القليل على قولتهم .. بس صراحه موقادر لأن فيني ارهاق موطبيعي .. لول ادري بتقولون هذا اشفيه يتشكى .. بس خلوني اطلع الي بقلبي لأن كل الشباب الي عندي بالبيت نفس الحاله لول ..

—

Yesterday

امس قعدنا نسولف بالماسنجر انا وربعي الخاصين الي بالكويت عن ايام قبل (الثانويه ..إلخ) همم مادري ليش ياني شعور القشعريره .. شعر جسمي وقف .. احس صج فيها ذكريات حلوه مستحيل انساها والحمدلله ان الناس الي عاشوها معاي موجودين ليلحين وماتغيرت علاقتنا مع بعض ( وعساها ماتتغير ان شاء الله) ..

على قولة liona lewis باغنية Yesterday

“They can take tommorow & the plans we made .. But they Cant take Yesterday”

(لول طبعا كتبت الي بوصله لكم بس)

بس صج كلامها .. الماضي ملكك انت! محد يقدر يغيره الا انت .. تقدر بكل بساطه تمسحه من حياتك .. وبكل بساطه تقدر تتذكره وتتمعن فيه ..

ياحلو الذكريات الحلوه ..صج كنز .. امس صج استانست لأنهم حتى ذكرو ذكريات كنت ناسيها .. و استانست لما تذكرتها

الحياه بدون صداقه اعتبرها ولاشي ..

(نصيحه : لاتحصر تفكيرك بس بالماضي انتبه ! .. لأن هالشي بيخليك ميت بالتفكير بالحاظر)