كل واحد فينا له سر محد يدري عنه .. او كتوضيح your dark secret .. شي مظلم محد يدري عنه الا انت .. هممم انا أؤمن بأن كل شخص له سر مايبي احد يدري عنه .. وبالاساس ماله داعي انه يقول هالسر حق احد!

اوكي شنو الموضوع بالاساس! وشكو قاعد اتحجى واقول هالشي؟

انا كمثال لـ”سيطرة الماضي على نفسي” قدرت اتخلص ولو شوي من مشاعري الي كانت تراودني مثل الكوابيس .. و يمكن كتبت جم مره بالبلوق عن حالتي النفسيه الي كنت اعيشها ..

الحل عندي .. ولو انه ما يشفيك 100% لكن شتسوي هذا الموجود ..

1- حاول تختلط مع ناس ولا تقعد بروحك .. لأن الوحده تخليك تفكر وايد .. (نصيحه من صديق ونفعتني وايد )

2 – كثر ما تقدر لاتفكر بالماضي وانك لو رجعت بالزمن راح تقدر تصلح الماضي ..إلخ .. اول ماتقول كلمة “لو” وقف تفكيرك لأن بهالكلمه بيدخل الشيطان بتفكيرك ..

3 – حاول تبتعد عن المشاكل قد ماتقدر ..

4 – حاول تتصدق للفقارى وتشوف الفرحه بعيونهم .. صدقني بترتاح طول يومك ..

5 – اشغل تفكيرك بأي شي .. لو مشروع صغير ، التفكير بالدراسه ..إلخ

هذي خمس نصايح هديه مني لكم .. هالاشياء الخمس تقريبا اهي الاشياء الي طلعتني شوي من كئابتي ..

خلونا نسمع نصايحكم للانسان الي يشوف هالبوست وهو في قمة الكئابه .. كسبو حسنات فيه!